«Հայ Ֆիլիպ, ռադ եղի՛ր». Ինչպես են ընդունել Բաքվում Ֆիլիպ Կիրկորովին

Դեկտեմբերի 10-ի երեկոյան Բաքվի Crystal Hall համերգասրահում հայտնի երգիչ Ֆիլիպ Կիրկորովը  համերգն է տվել, որի ժամանակ տեղի հայատյաց ադրբեջանցիները սկսել են սուլել և վիրավորել երգչին: Համերգի ժամանակ, այսպես կոչված, «Ղարաբաղի ազատագրության կազմակերպության» անդամներն ու հայերի հանդեպ առանձնակի ատելությամբ աչքի ընկնող առանձին խմբեր ու վերջիններիս մեծաթիվ ձայնակցողներ ռուսերեն ու ադրբեջաներեն լեզուներով պարբերաբար վանկարկել են «Армянин Филипп, проваливай!», «Erməni Filipp, rədd ol!», ինչի պատճառով Կիրկորովի ելույթը գրեթե տապալման եզրին էր հայտնվել: Անվտանգության աշխատակիցների միջամտությունից հետո համերգասրահում բախումներ են սկսվել: Ոստիկանության միջամտությունից հետո դահլիճում իրավիճակը հանդարտվել է եւ Ֆիլիպ Կիրկորովը բուռն ծափողջյունների ներքո համերգն ավարտել է Էյուբ Յաղուբովի «Kim bilir (Ո՞վ գիտի)» ստեղծագործության ադրբեջաներեն կատարմամբ եւ Բաքվի հանդեպ մեծ սիրո մասին շռայլ խոսքերով: