Արամ Սարգսյանը կասկածի տակ չի դնում
Այսօր «Լուսավոր Հայաստան», «Քաղաքացիական պայմանագիր» և «Հանրապետություն» կուսակցությունները ստորագրեցին համագործակցության հուշագիր, որոց սահմանեցին, որ 2017 թվականի խորհրդարանական ընտրություններին մասնակցելու են միասնաբար: «Հանրապետություն» կուսակցության նախագահ Արամ Սարգսյանը` անդրադառնալով Լեւոն Տեր - Պետրոսյանի եւ Գագիկ Ծսռուկյանի` ընդդիմադիր դաշտում գործելու մասին լուրերին՝ նշեց, որ յուրաքանչյուրն էլ Սահմանադրական իրավունք ունի` գործելու ընդդիմադիր դաշտում: «Հայաստանի Սահմանադրությունը չի արգելում ո՛չ Լևոն Տեր-Պետրոսյանին և ո՛չ էլ Գագիկ Ծառուկյանին քաղաքական գործընթացներում մասնակցության հայտ ներկայացնել և ծավալել ընդդիմադիր գործունեություն: Ես չեմ կասկածում, որ Լևոն Տեր-Պետրոսյանը կծավալի ընդդիմադիր գործունեություն, Գագիկ Ծառուկյանի մասով՝ ժամանակը ցույց կտա: Գնահատականներ տալու խնդիր չեմ տեսնում, մեր գործունեությունը մենք չենք կապում այդ ուժերի հրապարակ մտնելով կամ չմտնելով և այդ ուժերի հետ հակադրություններ կամ հակասություններ տեսնելով: Մեր պայքարը գործող իշխանության դեմ է, որն աշխատում է մեկ սկզբունքով՝ փող ծախսել իշխանության գալու համար, իսկ իշխանության գալուց հետո փող աշխատել այդ իշխանությունը պահելու համար: Արդյունքում մենք մնում ենք աղքատ, և մեր խնդիրը այս իշխանությունը փոխելու մեջ է»,- ասաց Սարգսյանը:
Հետևեք մեզ Viber-ում
