Գյումրիում տեղակայված ռազմաբազան պատուհա՞ս է դարձել. տեսանյութ

«Մի դեպքով պայմանավորված ասել, որ ռուսական ռազմաբազան պատուհաս է դարձել, այդպես չէ, բայց նմանատիպ դեպքերն ավելորդ լարավածության առիթ են դարձել, բոլորը խառնվել են իրար, նաև գյումրեցիները, որ էլի ռուս զինծառայողը դռներ է թակել»,-երեկ Ազգային ժողովում լրագրողների հետ զրույցի ժամանակ, անդրադառնալով  օրերս ռուս զինծառայողի կողմից գյումրեցիների ընտանիքին դռան թակոցով ահաբեկելու դեպքին,  նկատեց ԱԺ պատգամավոր, գյումրեցի Մարտուն Գրիգորյանը: Գրիգորյանի խոսքով՝ դատախազը արդեն  փաստել  է, որ  ռուս զինծառայողը շենքն է շփոթել. «Բայց, ամեն դեպքում, փաստը մնում է փաստ, որ վախ կա, և նմանատիպ դեպքերի ժամանակ մարդիկ սթրես են ապրում: Այս դեպքից հետո պետք է հետևություն արվի թե՛ ռուսական ռազմաբազայի, թե՛ մեր կողմից»: Հարցի՝ այսինքն՝ անվստահություն կա՞ ռուսկան ռազմաբազայի նկատամամբ պատգամավորը պատասխանեց. «Դե, դուք էլ լավ գիտեք այդ հարցի պատասխանը, որ կա կոնկրետ խնդիր այդ ուղղությամբ, ալկոհոլի ազդեցությամբ ռուս զինծառայողը միանգամից վախի մթնոլորտ , տրամադրություն է առաջացնում: Այդ առումով խնդիր ունենք»: Անդրադառնալով հարցին, թե Ավետիսյանների դեպքից հետո խոսվում է, որ պետք է ռուսական ռազմաբազան հանվի այստեղից, գյումրեցի պատգամավորը պատասխանեց, որ չի կարծում, որ դա  ճիշտ լուծումն է. «Կարծում եմ՝ միակ ճիշտ լուծումն այն է, որ կոնկրետ կարողանան գործիքներ գտնեն, ճիշտ վերահսկողություն կազմակերպեն, իսկ ռուսական ռազմաբազան Գյումրի քաղաքի համար օգուտ է և վնաս չէ: Գյումրեցիների մեծ մասը աշխատում է այդ ռազմաբազայում: Եթե այն փակվի բավականին լուրջ սոցիալական բաց կստեղծվի: Առանց այդ էլ գյումրեցիները աշխատանքի խնդիր ունեն»: Հարցին, թե  արդյոք պատգամավորը քրեական գործ հարուցելու հիքմեր տեսնո՞ւմ է՝ Մարտուն Գրիգորյանը արձագանքեց «Ավելի ճիշտ կլինի այդ հարցն ուղղել իրավապահ մարմիններին»: Մանրամասները` տեսանյութում Աստղիկ Ավագյան