Արտակարգ վթար Արագածոտնի մարզում

Երեկ՝ դեկտեմբերի 10-ին, խոշոր ավտովթար է տեղի ունեցել Արագածոտնի մարզում: Ժամը 19:40-ի սահմաններում ЗИЛ 130 մակնիշի 34 MM 155 համարանիշի ավտոմեքենայի վարորդը Երևան-Գյումրի ավտոճանապարհի 48-րդ կմ հատվածում՝ դեպի Երևան ընթանալիս՝ բախվել է նոր կառուցվող ճանապարհի եզրերին տեղադրված բետոնե սյուներին և կողաշրջվել: Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար զոհեր և վիրավորներ չկան: Ֆոտոլրագրողը հայտնում է, որ ավտոմեքենան բարձված է եղել քարով և, ըստ վարորդի հայտարարության՝ ճանապարհը եղել է անցանելի, պարզապես նա չի նկատել դրված քարերը և բախվելով քարերին՝ կողաշրջվել է, իսկ եղանակը ձնել է կողաշրջվելուց որոշ ժամանակ հետո: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: