Մխիթարյանը տաղանդավոր է, դա անվիճելի է. Կարագեր
«Լիվերպուլ»-ի նախկին պաշտպան Ջեյմի Կարագերը իր կարծիքն է հայտնել «Մանչեսթեր Յունայթեդ»-ի կիսապաշտպան Հենրիխ Մխիթարյանի ելույթների մասին:«Մխիթարյանը ավելի արագ է գործում գնդակը հարձակման գիծ տեղափոխելիս: Այդ դիրքում բոլորն էլ լավ են խաղում, այդ թվում՝ Մատան, Մարտիալը»,- express.co.uk-ի փոխանցմամբ ասել է նա: Ըստ նրա՝ անվիճելի փաստ է, որ Մխիթարյանը հիանալի խաղացող է: «Մխիթարյանի գոլն ու ցուցադրած խաղն ապացուցեցին, որ հայ ֆուտբոլիստը ճիշտ ուղու վրա է: Հետաքրքիր էր խաղից առաջ կարդալ, թե ինչպես է Մխիթարյանն ինքն իրեն մեղադրում մրցաշրջանում անհաջող մեկնարկելու մեջ: Մխիթարյանը տաղանդավոր է, դա անվիճելի է»,- հավելել է Կարագերը:
Հետևեք մեզ Viber-ում
