Ռոլանդ Շառոյանն իր սկանդալային գրառման մասին
Արձակագիր, լրագրող Ռոլանդ Շառոյանը ֆեյսբուքյան իր էջում գրել է. «Սիրելիներս, երեկ «Հրապարակ» օրաթերթի լրագրողի և ԱԺ պատգամավոր Ռուբեն Հակոբյանի միջև տեղի ունեցած միջադեպի մասին ֆեյսբուքյան իմ էջում երգիծանքի ժանրով քոմենթ էի գրել, որը որոշ լրատվական կայքեր, առանց իմ համաձայնության վերցրեցին և տարածեցին, տպավորություն ստեղծելով, թե ես, պաշտպանելով Ռուբեն Հակոբյանին, հեգնում եմ լրագրողին։ Իրականում ես երգիծել եմ երևույթը և նպատակ չունեմ որևէ կողմին պաշտպանել, մանավանդ կարդալով և նայելով այդ իրադարձության մասին հրապարակումները` շվարեցի՝ զավեշտը նրանում է, որ արդեն լրագրողն է հարվածում լրագրողին։ Սա այն սոսկալի երևույթն է, երբ այլ կերպ, քան երգիծանքն է, չես կարող արտահայտվել։ Իսկ իրականում, ամոթ է: Ի դեպ, չեմ բացառում, որ ես էլ երգիծելու չափը դույզն-ինչ անցել եմ, ուստի ես ինձ չեմ ներում, բայց նման զավեշտալի երևույթները շարունակելու եմ ծանակել, եթե անգամ, իրավամբ, ես ոչ թե ծեծող, այլ ծեծվող լրագրողը լինեմ: Ցավում եմ այս միջադեպի համար և որպես Հայաստանի Հանրապետության քաղաքացի`ամաչում: Խաղաղ ապրեք»։
Հետևեք մեզ Viber-ում
