Նստել թախտին, սպասել բախտին, առաջարկներին՝ չի լինում. Շարմազանով
«Տեղական ինքնակառավարման մասին» ՀՀ օրենքում փոփոխություններ և լրացումներ կատարելու մասին նախագծի քննարկման ժամանակ ՕԵԿ խմբակցության քարտուղար Մհեր Շահգելդյանն ասաց, որ համայնքի ղեկավարից շատ բան է կախված: «Նստել թախտին, սպասել բախտին, առաջարկներին՝ չի լինում: Համայնքի ղեկավարը պետք է լինի պրպտող, փնտրող, առաջարկներ ներկայացնի: Այստեղ ունենք պատգամավոր՝ Մնացական Մնացականյան, ով համայնքի ղեկավար է եղել, և ես տեսել եմ՝ ինչպես է աշխատել նա, Ֆրանսիայից ինչպիսի ներդրողներ ու գործընկերներ է բերել: Համայնքի ղեկավարներն իրենք պետք է շահագրգռված լինեն, և իրենք պետք է ունենան աշխատելու ձիրք:Մենք չենք ապրում սովետական ժամանակներում, ապրում ենք շուկայական պայմաններում, որտեղ ով փնտրում է, նա գտնում է »,-նկատեց ԱԺ փոխնախագահ Էդուարդ Շարմազանովը: «Քաղաքացիներն ընտրության ժամանակ պետք է հասկանան, թե ում են ընտրում ոչ թե խնամի, քավոր, ծանոթ բարեկամ ընտրեն, այլ այն մարդուն, ով ունի այդ հնարավորությունները, որ 21 դարին համահունչ ղեկավար լինի, ով կզարգացնի համայնքը, իսկ իշխանությանն էլ համահունչ կօգնի»,-ասաց ԱԺ փոխնախագահը:
Հետևեք մեզ Viber-ում
