Ռուբիկ Հակոբյանը ներողություն է խնդրել,սակայն...

ԱԺ նիստի սկզբում «Ժառանգություն» խմբակցության պատգամավոր Ռուբիկ Հակոբյանն անդրադարձավ երեկ լրագրող Վահե Մակարյանի հետ տեղի ունեցած միջադեպին՝ որակելով այն տհաճ: Վերջինս ընդգծեց, որ ցավ է զգում, որ որոշ կայքեր և սոցցանցեր ոչ ճիշտ գնահատական են հնչեցրել երեկվա միջադեպին։ Պատգամավորը կոչ արեց տարբերակել խուլիգանությունն  ու լրագրությունը՝ կոչ անելով լրագրողներին, քննադատելով հանդերձ բռնությունը, տարբերակել, թե ով է պատվեր կատարում, իսկ ով՝ լրագրությամբ զբաղվում.«Հարգելի լրատվական դաշտ, ճիշտ եք անում, որ քննադատում եք բռնությունը, բայց կխնդրեի, որ այն լրագրողները, որ պատվեր են կատարում խմբագրի, թերթի, մի քիչ ուսումնասիրեք, տեսեք՝ իրավունք ունե՞ն լրագրությամբ զբաղվել, թե ոչ: Բարձր եմ գնահատում լրագրությունը, կուզենամ, որ այդ դաշտում լինեն լրագրողներ և ոչ թե բանսարկու, տգետ անձինք»: