Գնաճ՝ գործազրկության բարձր ֆոնի վրա

«Ժողովուրդը» գրում է. «Հայաստանում, կարծես, պարտադիր պայման է, որ Ամանորին ընդառաջ սպառողական շուկայում գները սկսում են աճ գրանցել: Ամեն տարի հայրենի պաշտոնյաները խոստանում են, որ վերահսկելու են շուկան, որ գների ավելորդ բարձրացումներ չլինեն, այնուամենայնիվ, ինչպես ցույց է տվել ժամանակը՝ այդ խոստումները մնում են օդից կախված: «Ժողովուրդ» օրաթերթը պաշտոնական փաստաթղթերից տեղեկացավ, որ 2016թ. նոյեմբերին, հոկտեմբերի համեմատ, ՀՀ սպառողական շուկայում արդեն իսկ արձանագրվել է 1.0% գնաճ, ինչը մեծապես պայմանավորվել է պարենային ապրանքների 2.8% գնաճով: Պարենային ապրանքների (ներառյալ ոգելից խմիչք եւ ծխախոտ) գները նշված ժամանակահատվածում աճել են 2.5%-ով: Ու սա այն դեպքում, երբ ամեն ամիս Հայաստանում ավելանում է նաեւ գործազրկության ցուցանիշը»: Կարդացեք թերթի այսօրվա համարում: