‹‹ԱՄՆ-ի քրդական ծրագրերը չեն համապատասխանում Թուրքիայի քրդական ծրագրերին›› Հակոբ Չաքրյան

‹‹ Հյուսիսիային Իրաքում կա քրդական գոտի, և Հյուսիսիային Սիրիայում էլ արդեն Ասադի վարչակարգին չենթարկվող քրդեր կան››,- Հայելի ակումբում հրավիրված ասուլիսի ժամանակ ասաց թուրքագետ Հակոբ Չաքրյանը: Հանդիպման ընթացքում բանախոսը ներկայացրեց Թուրքիայի արտաքին մտավախությունների ու գերտերությունների հետ բարդ հարաբերությունների դրությունը. ‹‹Այս քրդական միջանցքների հետագա միավորումից է վախենում Թուրքիան, որովհետև հարավից կհայտնվի քրդական գոտու շրջափակման մեջ››: Թուրքագետը նշեց, որ նման գործողությունները կոգևորեն սահմանի քրդերին, որոնք չեն թաքցնում՝ իրենց պայքարի վերջնական նպատակը անկախության հասնելն է: ‹‹ Նահանգների քրդական ծրագրերը, որին կողմ է նաև Եվրամիությունը, չեն համապատասխանում Թուրքիայի ծրագրերի հետ: Թուրքիան էլ մտածում էր , Բաշշար Ասադի տապալումով ձևավորել նոր իշխանություն, որը Սիրիայում դիրքեր կամրապնդի և իր ազդեցությունը կտարածի այլ պետությունների վրա ու կդառնա տարածաշրջանային գերտերություն››,- հավելեց Հակոբ Չաքրյանը: Հանդիպման վերջում բանախոսն ավելացրեց, որ Ռուսաստանի միջամտությամբ Թուրքիան այլևս չի խոսում Ասադի տապալման մասին, այլ ընդամենը սահմանափակել են մինչև Հալեպ ընկած հատվածը: Մարիամ Հակոբյան