«Ընտրություններից հետո գազի և էլեկտրաէներգիայի սակագինը կբարձրանա՞». պարզաբանում է Կարեն Կարապետյանը
ԱԺ-ում կառավարության հետ հարցուպատասխանի ժամանակ, դիմելով վարչապետ Կարեն Կարապետյանին, հարց ուղղեց ԱԺ պատգամավոր Նիկոլ Փաշինյանը. «Ուրախալի է, որ գազի գինն իջել է, սակայն մենք ունենք տխուր փորձ. 2011թ. գազի գինն իջել էր, բայց արդեն ձեր հարազատ ՀՀԿ-ն թաքցրել էր այդ փաստը հանրությունից, և երբ անցան խորհրդարանակն, նախագահական, Երևանի քաղաքապետի ընտրությունները, եկան և ասացին՝ գիտեք ինչ՝ 300 մլն դոլարի պարտք ենք կուտակել, և նախկինում ձեր ղեկավարած «Հայռուսգազարդ» ընկերությունը դարձավ «Գազպրոմ Արմենիա»: Ունենք փորձ, որ այդ ընտրություններից հետո գազն էլ, էլեկտրաէներգիան էլ մի քանի անգամ թանկացան: Հիմա հարցս հետևյալն է՝ եթե իրադարձությունները ընթանան բարենպաստ սցենարով, և, օրինակ՝ ձեր կառավարությունը հանկարծ շարունակի գործել, կարո՞ղ եք արդյոք դուք երաշխավորել երկու բան. առաջին՝ ընտրություններից հետո էլեկտրաէներգիայի և գազի սակագները չեն բարձրանա, և երկրորդ՝ ՀՀ-ն այս էժանացման համար չի վճարի ինչ-որ ռազմավարական օբյեկտով, շահով, հեռանկարով»: Ի պատասխան հարցադրմանը՝ վարչապետն ասաց. «Ձեր երկու կետերին պատասխանում եմ՝ այո: Ընտրություններից հետո գազի և էլեկտրաէներգիայի սակագինը չի բարձրանալու, և դրա դիմաց Հայաստանը որևէ ռազմավարական օբյեկտով չի վճարելու»:
Հետևեք մեզ Viber-ում
