«Երկրի վիճակն ինչքան վատթարանում է, այնքան Էրդողանի ձայներն աճում են » Հակոբ Չաքրյան
«Թուրքիայի ներսում իրականացրած զանգվածային ձերբակալություններն ու ստեղծված քաոսային իրավիճակը բերել է պետության մեկուսացման: Պատճառը Էրդողանի ինքնագոհ և սանձարձակ հայտարարություններն են»,- դեկտեմբերի 7-ին Հայելի ակումբում հրավիրված ասուլիսի ընթացքում ասաց թուրքագետ Հակոբ Չաքրյանը: Խոսելով Թուրքիայի ներքին դրության հետագա փոփոխություններից՝ բանախոսը նշեց, որ առաջին հերթին պետք է ուշադրություն դարձնել, թե ինչպիսի իսլամիստական հակումներ ունի ժողովուրդը. «Էրդողանը գնում է սահմանադրական փոփոխությունների, որպեսզի ստեղծի լիարժեք նախագահական համակարգ և միանձնյա իշխանություն իրականացնի:Էրդողանի ընտրազանգվածի կրթության մակարդակն էլ ցածր է, որոնց չի հետաքրքրում մարդու իրավունքների խախտումներն ու դեմոկրատական սկզբունքների ոտնահարումը: Նրանց միայն հետաքրքրում է իսլամական օրենքների կիրառումը՝ կանանց պարտադիր գլխաշոր կրելը, դպրոցներում կրոնի պարտադիր դասընթացները»: Հանդիպման վերջում բանախոսը հավելեց, որ Թուրքիան Եվրոպայից երեսով թեքվել է դեպի իսլամական աշխարհ, բայց, այնպես չէ, որ իսլամական ՙպետություններն էլ Թուրքիայից գոհ են: Մարիամ Հակոբյան
Հետևեք մեզ Viber-ում
