Թիրախը Հայաստանի հայերը չեն, այլ դրսի. Թանկյան
Այսօր հրավիրված մամուլի ասուլիսում ամերիկահայ ռոք երաժիշտ և երգահան, աշխարհահռչակ System of a Down խմբի հիմնադիր Սերժ Թանկյանն ասաց, որ սփյուռքահայերը կտրված են Հայաստանի քաղաքական, սոցիալական, տնտեսական իրադարձություններից:Ինչպես ասաց՝ իրենց` «Արդարություն Հայաստանում» նախաձեռնությանը միացել է ընդամենը 4400 քաղաքացի: Թանկյանը նշեց, որ ստորագրում են այն մարդիկ, որոնք զբաղված են քաղաքական հարցերով և ժողովրդավարական մտածելակերպ ունեն, բայց մարդկանց մեծ մասը քաղաքական չէ. «Դա է մեր գլխավոր մարտահրավերը սփյուռքահայության նկատմամբ»: Ըստ նրա` իրենց թիրախը Հայաստանի հայերը չեն, այլ դրսի: «Դրա համար էլ նրանք, ովքեր «քաղաքական մարդիկ» չեն, չեն միանում ստորագրահավաքին»,- ասաց Թանկյանը: Աշխարհահռչակ ռոք երաժիշտը նշում է, որ կարևոր հարցերից մեկն է՝ անել այնպես, որ սփյուռքի երիտասարդությունը չանջատվի Հայաստանից: «Հայաստանի խնդիրն այն է՝ ո՞նց անենք, որ Հայաստանի մտավորականները, ղեկավարները սփյուռքին չնայեն մի աչքով, այսինքն կարող եք այստեղ գալ փող ծախսել, բայց մեր կյանքի մասին բան մի ասեք: Դա պետք է վերջանա»:
Հետևեք մեզ Viber-ում
