«Խելացի մարդ».Պուտինը գովաբանել է Թրամփին

Daily Mail-ը հայտնում է,որ  ՌԴ ղեկավար Վլադիմիր Պուտինը կրկին գովաբանել է ԱՄՆ նորընտիր նախագահ Դոնալդ Թրամփին` այս անգամ անվանելով նրան «խելացի մարդ», ով արագ կկողմնորոշվի նախագահի պարտականությունների կատարման գործում, որոնք նոր են գործարարի համար: Աղբյուրը  հիշեցնելով, որ նախկինում Պուտինն ամերիկացի գործարարին «հանճարեղ և տաղանդավոր անձնավորություն» էր անվանել: Այս անգամ ՌԴ առաջնորդը կարևորել է Թրամփի փորձը բիզնեսում` նշելով, որ նրա հաջողությունն այդ ոլորտում նրա խելքի ապացույցն է:Պուտինը նախկինում ևս հույս էր հայտնել, որ Թրամփի ղեկավարությամբ առավել հեշտ կլինի վերականգնել ԱՄՆ-ի և Ռուսաստանի հարաբերությունները: «Թրամփը գործարար և ձեռներեց է եղել: Նա արդեն պետական գործիչ է, աշխարհի առաջատար երկրներից մեկի` Ամերիկայի Միացյալ Նահանգների ղեկավարը: Այն, որ նա մեծ հաջողությունների է հասել բիզնեսում, խոսում է այն մասին, որ Թրամփը խելացի մարդ է», - ասել է Պուտինը NTV հեռուստաալիքի եթերում: