«Հեյ, Միկի, դու հիասքանչ էիր». երկրպագուների և լրագրողների արձագանքը՝ Մխիթարյանի խաղին

«Մանչեսթեր Յունայթեդը» վստահ խաղով կարողացավ հաղթել «Վեսթ Հեմին» և նվաճել Ֆուտբոլային լիգայի գավաթի խաղարկության կիսաեզրափակչի ուղեգիր: Առաջին և երկրորդ խաղակեսերի մեկնարկային րոպեներին գոլային փոխանցումներ կատարած Մխիթարյանի խաղը, ինչպես միշտ, անտարբեր չի թողել երկրպագուներին: Մանչեսթերյան ակումբի պաշտոնական թվիթերյան էջն առանձնացրել է երկրպագուների լավագույն մեկնաբանությունները՝ կապված Մխիթարյանի խաղի հետ: Այս բլոկը անգլիական ակումբի թվիթերյան էջն անվանել է՝ «Հեյ, Միկի, դու հիասքանչ էիր»: Երկրպագուները գրել են, որ Մխիթարյանը հիասքանչ ֆուտբոլ է խաղացել՝ նշելով, որ Պրեմիեր լիգայում կան շատ տաղանդավոր ֆուտբոլիստներ, բայց Մխիթարյանը ֆուտբոլային ինտելիգենտ է: