Ուշադրության կենտրոնում սևազգեստ մայրերի խնդիրներն են

ՀՀ վարչապետ Կարեն Կարապետյանն այսօր կառավարության նիստին նշեց, որ իրեն և աշխատակազմ են դիմել խաղաղ պայմաններում զոհված զինծառայողների ծնողները և խնդրեց գլխավոր դատախազին ուշադրություն դարձնել այս հարցին: «Դիմումի լավագույն ընթացքը կհանդիսանա, եթե ՀՀ գլխավոր դատախազի կողմից ընդունելություն կազմակերպվի»,– ասաց Կարեն Կարապետյանը: «Նշված մոտեցումն արդարացված է այնքանով, որ ծնողների կողմից բարձրացված խնդիրները վերաբերում են կոնկրետ քրեական գործերին, որոնց մասով հսկողություն է իրականացնում դատախազությունը»,- ավելացրեց նա։