Մեկ-զրո պարտվել ենք, մեզ խփել են: Ուրիշ մոմենտ չկա.Բագրատյան

«ՀՀ եւ Ասիական զարգացման բանկի միջեւ 2015թ. հոկտեմբերի 13-ին ստորագրված «քաղաքային կայուն զարգացման ներդրումային ծրագիր-2»  վարկային համաձայնագրի», որով նախատեսվում է ՀՀ-ին տրամադրել 112 մլն 960 հազար ԱՄՆ դոլար,քննարկումները շարունակվեցին: «Մենք իրականում պարտվել ենք ԵԽԽՎ-ում, մեկ-զրո պարտվել ենք, մեզ խփել են: Ուրիշ մոմենտ չկա: Այս դահլիճում, վստահ եմ, երեք մարդ չկա, որ հասկանա Սարսանգի պրոբլեմը»: Ես  թեեւ դեմ եմ  քվեարկելու, սակայն սա լավ համաձայնագիր է:Կատարյալ չէ, սակայն անհամեմատ ավելի լավ է, քան մյուսները: Իհարկե, լավ է մտածված: Ուզում եմ ուղղակի հիշեցնել, որ երեք միլիարդ վեց հարյուր միլիոն դոլարի պարտք ՀՀ-ն վերցրել է միայն վերջին ութ տարում: Ինչքան ուզում եք, այդ վարկերը ծախսում եք: Արդեն դժվար է լինելու վարկերը վերցնել, քանի որ ՀՆԱ-ի հետ կապված խնդիր է առաջանում: Մենք էլ ձեզ էլ չենք հավատում. ով օֆշորի սկանդալում է, այսօր պաշտոնի բարձրացում է ունեցել, մենք էլ ձեր ինչի՞ն հավատանք»,-իր ելույթում հայտարարեց ՀԱԿ պատգամավոր Հրանտ Բագրատյանը : Գալուստ Սահակյանն արձագանքեց. «Եվ լսելն է հեշտ, եւ կռահելը, ուղղակի անձերն այնպիսին են, որ հետո են կռահելի լինում»: «Գնա գործիդ, հա»,պատասխանեց Բագրատյանը: «Էտ ի՞նձ հետ էիր՝ գնա գործիդ ասելով: Գործ չեմ ճարել, դրա համար այստեղ նստած եմ, ինչ ես ուզում ինձնից: Ես անուն չեմ տվել, ձեր անունը չեմ տվել, ուզում եք արձագանքե՞լ, ուզո՞ւմ եք ուրիշի անունը տամ»: