Ռուսաստանն Ադրբեջանին Կասպյան տարածաշրջանում որպես անվտանգության ֆորպոստ է դիտարկում. Շոյգու
Ռուսաստանի եւ Ադրբեջանի ՊՆ–ները կընդլայնեն համագործակցությունը։ Այս մասին ադրբեջանցի զինծառայող Զաքիր Հասանովի հետ հանդիպման ժամանակ ասել է ՌԴ պաշտպանության նախարար Սերգեյ Շոյգուն, փոխանցում է ՌԴ ՊՆ մամուլի ծառայությունը։ ՌԴ պաշտպանության նախարարը ասել է, որ Ռուսաստանն ու Ադրբեջանը ընդլայնելու են համագործակցությունը Կասպյան տարածաշրջանի անվտանգության ապահովման համար։ «Մենք առաջնորդվում ենք նրանով, որ Ադրբեջանն այսօր Կասպյան տարածաշրջանում անվտանգության ֆորպոստ է։ Եվ մենք պետք է համագործակցենք ավելի արդյունավետ»,– ասել է Շոյգուն: ՌԴ պաշտպանությանը նախարարը նաեւ նշել է, որ Ադրբեջանը պատրաստ է եկող տարի Ռուսաստանի աջակցությամբ անցկացնել Բանակային միջազգային խաղերի «Կասպյան գավաթ» առաջնությունը։ Նշենք, որ ավելի վաղ հայտնել էինք, որ Ռուսաստանի եւ Ադրբեջանի ռազմական գերատեսչությունները կընդլայնեն համագործակցությունը, այդ թվում՝ ՌԴ-ի ուսումնական հաստատություններում ադրբեջանցի զինվորականների ուսուցման ոլորտում:
Հետևեք մեզ Viber-ում
