2017թ. «Ավրորա» մրցանակաբաշխությունը ավելի երկար կտևի.Ջ. Քլունին կրկին կմասնակցի
«Ավրորա» մարդասիրական նախաձեռնության ղեկավար Արման Ջիլավյանը լրագրողների հետ հանդիպմանը տեղեկացրեց,որ «Ավրորա» մրցանակաբաշխությունը 2017 թվականին կտևի ոչ թե 3-4 օր, այլ մեկ ամսից ավելին: 2017թ. «Ավրորա» մրցանակի հիմնական միջոցառումները կմեկնարկեն ապրիլի 24-ին և կավարտվեն մայիսի 28-ին: «Ուզենք, թե չունեք՝ մենք պետք է ընդլայնենք «Ավրորայի» ձևաչափը: Ավելի շատ միջոցառումներ կարվեն ոչ միայն Հայաստանում, այլև աշխարհում: Դրա համար մեր աշխատանքը դժվարացնող որոշում ենք կայացրել՝ «Ավրորան» կտևի ոչ թե 3-4 օր, այլ՝ մեկ ամսից ավելին: Սկսելու ենք ապրիլի 24-ին, մրցանակաբաշխությունն ավարտելու ենք մայիսի 28-ին և այդ օրը կհայտնենք մրցանակակիրներին: Դրա մեջ մենք տեսնում են սիմվոլիզմ՝ մահից մինչև կյանք, ճանապարհ դժոխքից մինչև հաղթանակ, հուսահատությունից մինչև հույս:2017 թվականի « Ավրորա« մրցանակի հավակնորդների անունները կհայտարարվեն ապրիլի 24-ին, հավակնորդներից մեկը մայիսի 28-ին Երևանում կճանաչվի 2017 թվականի «Ավրորա» մրցանակի դափնեկիր: Դափնեկրին և հավակնորդներին կորոշի «Ավրորա» մրցանակի ընտրող հանձնաժողովը՝ 66 երկրից ներկայացված 558 առաջադրումներից »,-ասաց Ջիլավյանը: Ջիլավյանը նաև հայտնեց, որ ըստ այս պահի տվյալների՝ Նոբելյան մրցանակի դափնեկիր Ջորջ Քլունին կրկին կմասնակցի մրցանակաբաշխությանը:
Հետևեք մեզ Viber-ում
