Ո՞ւր կգնա Աշոտյանը. անձամբ մանրամասնեց
Կրթության և գիտության նախարար Արմեն Աշոտյանն երեկ Ազգային ժողովում լրագրողների հետ զրույցում անդրադարձավ տարածված տեղեկատվությանը, որի համաձայն առաջիկայում ԿԳ պորտֆելը կհանձնվի ՀՅԴ-ին: Նախարարը նշեց, որ չի մեկնաբանում այն տեղեկությունները, որոնք հրապարակված են մամուլում, քանի որ «նշանակում է մամուլը, հաստատում է մամուլը»: Լրագրողները հետաքրքրվեցին, թե կա հավանականություն, որ Աշոտյանը նշանակվի դեսպան.«Դուք ուզում եք, որ ես խոստովանություննե՞ր անեմ»,-արձագանքեց նախարարը: Դիտարկմանը, թե ՀՅԴ-ն տարիներ շարունակ կրթության ոլորտն է ղեկավարել, նախարարն արձագանքեց, որ քաղաքականությունը ոլորտային է, իհարկե, կախված է նաև նրանից, թե որ քաղաքական ուժի ներկայացուցիչն է տվյալ պահին ղեկավարում, բայց ընդհանուր գերակայությունները նույնն են. «Սա նշանակում է, որ կրթական ոլորտի ռազմավարությունը վերջին 25 տարիների ընթացքում եղել է նույնը: Հետևաբար, նախարարների փոփոխությունները բերել են բացառապես տակտիկական փոփոխությունների: Այսինքն՝ ոլորտային տեսանկյունից է փոփոխությունը, իսկ քաղաքականությունը անշեղորեն է»,- ասաց Աշոտյանը: Հարցին` ՀՀԿ-ն հեղիանակազրկվա՞ծ է, պատասխանեց, որ հպարտությամբ է կրում կուսակցության անդամ լինելու առաքելությունը, ինչպես նաև կրծքանշանը: Աստղիկ Ավագյան
Հետևեք մեզ Viber-ում
