Քարդաշյանների ռեալիթի-շոուն անորոշ ժամանակով փակվել է

Քարդաշյանների «Keeping up with the Kardashians» ընտանեկան ռեալիթի-շոուն որոշ ժամանակով փակվել է: Այս մասին հայտնում է TMZ-ը՝հայտնելով, որ պատճառը Քիմ Քարդաշյանի ամուսնու՝ ռեփեր Քանյե Ուեստի հոսպիտալացումն է: 36-ամյա աստղը ողջ օրն անցկացնում է նրա հետ հիվանդանոցում, եւ աշխատանքի մասին մտածելու ժամանակ չունի: Շոուի նկարահանումներում դադար էր տրվել հոկտեմբերի 3-ից, երբ Քիմը զինված հարձակման էր ենթարկվել Փարիզում: Նկարահանող խումբը բավարար նյութեր ուներ, որպեսզի շոուն շարունակեր հեռարձակվել, սակայն ըստ պլանի՝ սուրբծննդյան արձակուրդների ընթացքում նկարահանումները պետք է վերսկսվեին, ինչը փաստորեն Քանյեյի հետ կատարվածի պատճառով տեղի չի ունենա: