‹‹Տիգրան Սարգսյանին բերեցիք ‹‹ ‹‹վարի տվեցիք›› ››. Ալեն Սիմոնյանը՝ ՀՀԿ-ին

Այսօր Հայելի ակումբում հրավիրված մամուլի ասուլիսի ժամանակ «Քաղաքացիական պայմանագիր» կուսակցության վարչության անդամ Ալեն Սիմոնյանն անդրադարձավ Հանրապետականների համագումարին և վարչապետի Հանրապետական կուսակցության անդամ դառնալուն: Խոսելով իշխանության ու ընդդիմության աշխատանքներից՝ Ալեն Սիմոնյանը նշեց, որ իշխանության խնդիրը ներսում մարդ չունենալն է: ‹‹ Դրսից մարդ են բերում ու վարչապետ նշանակում, հետո ոչնչացնում են այդ մարդուն ու գցում դուրս: Տիգրան Սարգսյանին բերեցին ու վարի տվեցին: Ոչինչ Կարեն Կարապետյանի ժամանակն էլ կանցնի ››,- հեգնանքով ասաց Ալեն Սիմոնյանը՝ նշելով, որ ներկայացվում են կեղծ թվեր, որոնք չեն համապատասխանում  իրականությանը: ‹‹Հեռուստադիտողը եթերից լսում է գրանցած տնտեսական աճի թվերը, սակայն ինքն իր վրա դա չի զգում, գուցե կարծում է իր հարևանն է այդ աճը գրացել ››,- ընդգծեց նա: Բանախոսը վերջում վստահորեն նշեց՝ գալիք ընտրություններին կլինեն մեկ-երկու դաշինք, որը մեզ հնարավորություն կտա ստեղծել քաղաքական այն համակարգը, որն այսօր առկա է ԱՄՆ-ում. կլինի իշխանություն և ընդդիմություն: Մարիամ Հակոբյան