ԱԺ-ում հիշեցրեցին Նաղդալյանի անցյալը
ՀՀ ԱԺ-ում շարունակվում է արտահերթ նիստը: Նիստի սկզբում ԱԺ նախագահ Գալուստ Սահակյանը հայտնեց, թե մի քանի ելույթից հետո քվեարկության է դրվելու «Կուսակցությունների մասին» օրենքի նախագիծը, հետեւաբար նա կոչ արեց պատգամավորներին չլքել նիստերի դահլիճը: Ապա ելույթ ունեցավ ԱԺ ՀԱԿ խմբակցության ղեկավար Լեւոն Զուրաբյանը: Նա նշեց, որ մինչ բուն թեմային անդրադառնալը ցանկանում է խոսել ԱԺ նիստերը վարողների անպատասխանատու պահվածքից: «Մեր կանոնակարգ օրենով, մասնավորապես 45 հոդվածը նախատեսում է միայն ելույթ ունեցողների խոսքի միամտություն այն դեպքում երբ պատգամավորը կարգազանց է, եւ հնչեցնում է նրա անունը՝ զգուշացնելով: Սա նշանակում է, որ մեր ելույթները մեկնաբանելով խախտվում է օրենքը», - նշեց Լեւոն Զուրաբյանը: Ըստ նրա մասնավորապես նման դեպք երեկ արձանագրվել է իրենց խմբակցության քարտուղար Արամ Մանուկյանի ելույթի ժամանակ: Զուրաբյանի խոսքով՝ Մանուկյանը այսօր նիստերի դահլիճում չէ, բայց ինքն է որոշել նրա «թասիբին» կանգնել: ՀԱԿ խմբակցության ղեկավարն ասաց, թե նման սովորություն ունի ԱԺ փոխնախագահ Հերմինե Նաղդալյանը: «Ով, ով, բայց Հերմինե Նաղդալյանը իննսունական թվականներին վերաբերող որեւէ իրողություն քննադատելու իրավունք ընդհանրապես չունի, որովհետեւ ես չգիտեմ մի այլ մարդու, ով այդ տարիներին աջակցել, սատարել, նեցուկ է եղել ՀՀՇ-ի իշխանությանը եւ առաջին նախագահին, եւ ամենահետաքրքիրն այն է, որ ՀՀՇ-ի գլխավորած Հանրապետության ցուցակում նա զբաղեցրել է 221-րդ տեղը, եւ երբ նա հայտարարում է, որ ՀՀՇ-ն այդ տարիներին պոլի փետեր էր նշանակում, ես ուղղակի խորհուրդ եմ տալիս զգույշ լինել արտահայտություններում, որովհետեւ ցանկացած նման արտահայտություն կարող է պտտվել ասողի դեմ»,- ասաց Զուրաբյանը, հավելելով, որ սա վերաբերում է ամբողջ ՀՀԿ-ի կազմին, եւ նրանք իրավունք չունեն թթու խոսք ասել առաջին նախագահին եւ ՀՀՇ-ին: Հետո Զուրաբյանն անդրադարձավ «Կուսակցությունների մասին» օրենքի նախագծին, ասելով, որ Հայաստանում կլինի արդյունավետ կառավարում, եթե լինեն մի քանի կուսակցություններ, որոնք կարող են իրար փոխելով ստանձնել երկրի կառավարումը: Նա ասաց, թե իշխանություններին տալիս են հնարավորույթւոն, ուզում են օգտվեն, ուզում են՝ ոչ: Զուրաբյանի ելույթին արձագանքեց ԱԺ նախագահ Գալուստ Սահակյանը: «ԱԺ նախագահը, եւ նրա տեղակալները իրավունք ունեն արտահերթ ելույթի, բայց այս անգամ ելույթ եմ ունենում, որովհետեւ իմ անունն է հնչել: Նախ իննսունական թվականներին ՀՀՇ կուսակցություն չկար, բոլորս ՀՀՇ էինք, ինչ վերաբերում է Աշոտ Նավասարդյանի խոսքին, ապա բոլորս հիշում ենք, դուք Լեւոն Տեր- Պետրոսյանին մի դարձրեք ձեր հարազատը, Լեւոն Տեր- Պետրոսյանը մեր ազգային ամբողջ ըմբռնումների ընթացքում եղել է, եւ այնպես չէ, որ Աշոտ Նավասարդյանը հատուկ գովել է նրան: Մենք Տեր- Պետրոսյանի հետ եկել ենք, որպեսզի պաշտպանենք Ղարաբաղը, որը դուք ուզում էիք տալ»,- նշեց նա: Փայլակ Ֆահրադյան
Հետևեք մեզ Viber-ում
