Ֆիդել Կաստրոյի հետ հրաժեշտի արարողությանը առնվազն 25 ղեկավարներ կմասնակցեն

Աշխարհի առնվազն 25 ղեկավարներ նոյեմբերի 29-ին կմասնակցեն կուբայական հեղափոխության առաջնորդ Ֆիդել Կաստրոյի հետ հրաժեշտի արարողությանը: Այդ մասին, ինչպես տեղեկացնում Է Արմենպրեսը, հայտնել Է Կուբայի արտաքին գործերի նախարարությունը: Նրանցից 15-ը Լատինական Ամերիկայի եւ Աֆրիկայի երկրների նախագահներ են, նշում Է El Universal վենեսուելական պորտալը: Հավանա կժամանեն, մասնավորապես, Վենեսուելայի, Բոլիվայի, Էկվադորի, Նիկարագուայի, Կոլումբիայի, Պանամայի եւ Մեքսիկայի նախագահները: Նաեւ ներկա կլինի Իսպանիայի Խուան Կարլոս թագավորը, որը գահն զբաղեցրել Է 1975-2014 թվականներին: Քաղաքացիական հոգեհանգստի արարողությանը, որը կկայանա Հեղափոխության հրապարակում Խոսե Մարտիի անվան հուշահամալիրում, կմասնակցեն Հարավաֆրիկյան Հանրապետության, Հասարակածային Գվինեայի, Զիմբաբվեի, Նամիբիայի եւ Կաբո Վերդեի նախագահները: Ինչպես սպասվում է, եվրոպական երկրները բարձրագույն մակարդակով կներկայացնի միայն Հունաստանը, որտեղից գալու է վարչապետ Ալեքսիս Ցիպրասը, կարիբյան երկրներից կժամանեն յոթ վարչապետներ: Կաստրոյի հետ կուբացիների հրաժեշտի արարողությունն սկսվել է նոյեմբերի 28-ին, կուբայական հեղափոխության առաջնորդի հիշատակը հարգել են հրանոթների 21 համազարկով: Նաեւ արարողության սկսվելուց հետո ամբողջ երկրում խորնարհվել են պետական դրոշները: Սկսած նոյեմբերի 30-ից հանգուցյալի աճյունը չորս օր Հավանայից կտանեն Սանտյագո դե Կուբա: Մինչեւ դեկտեմբերի 3-ը աճյունը կտանեն երկրի 15 նահանգներից 13-ը, նույն օրը Սանտյագո դե Կուբայի Անտոնիո Մասեոյի հրապարակում պլանավորված է զանգվածային միջոցառում: