Աշխարհի գեղեցիկ առաջին տիկնայք. լուսանկարներ. Wnews am

Վերջին մեկ ամսվա ընթացքում աշխարհի ուշադրությունը կենտրոնացած է ԱՄՆ նորընտիր նախագահ Դոնալդ Թրամփի եւ իր տիկնոջ՝ Մելանիայի վրա, ում շատերն անվանում են ԱՄՆ պատմության մեջ ամենագեղեցիկ առաջին տիկին։ Կարո՞ղ են այլ երկրների առաջին տիկնայք իրենց գեղեցկությամբ մրցել Մելանիա Թրամփի հետ. Wnews am-ը ներկայացնում է աշխարհի գեղեցիկ առաջին տիկնանց, թե նրանցից ով է ամենագեղեցիկը՝ դատեք ինքներդ։ Հորդանանի թագուհի Ռանիա Ռանիա Ալ-Աբդուլլան արդեն 17 տարի է՝ Հորդանանի թագուհին է։ Չնայած դժվար է հավատալ, որ այս գեղեցիկ եւ նորաձեւ տիկինը, ով պաշտում է կրել ոսկյա կոշիկներ, արդեն 46 տարեկան է եւ ունի չորս զավակ։ 2003թ. թագուհու տիտղոսին ավելացավ եւս մեկը. բրիտանական «Hello» ամսագիրը նրան շնորհեց էլեգանտության համաշխարհային թագուհու տիտղոսը։ Ռանիան կոտրում է արաբ կանանց մասին բոլոր կարծրատիպերը՝ չամաչելով հանրությանը ներկայանալ կիպ ջինսերով, կարճ կիսաշրջազգեստներով եւ բարձրակրունկներով։ Բացի այս, նա ակտիվ վարում է իր   Instagram-ը, շփվում հետեւորդների հետ, ինչի շնորհիվ նրանց թիվը գերազանցում է 2,5 միլիոնը։

Իսպանիայի թագուհի Լետիսիա Նա լրագրող էր եւ իսպանական հեռուստաալիքով նորություններ էր վարում, երբ իրեն առաջին անգամ տեսավ այդ ժամանակ դեռեւս արքայազն Ֆելիպեն։ Նրա գեղեցկությունն այնքան գրավեց ապագա թագավորին, որ ծանոթությունից մեկ տարի անց նրանք ամուսնացան։ Զույգի պսակադրությանը ուղիղ միացմամբ հետեւում էր  1,5 մլրդ մարդ ամբողջ աշխարհից։ ԱՄՆ առաջին տիկին Մելանիա Թրամփ

  ԱՄՆ-ի նոր առաջին տիկինը նախկին սուպերմոդել է։ Նա  16 տարեկանից սկսել է նկարահանվել տարբեր ամսագրերում եւ հայտնվել  Vogue, Harper’s Bazaar, Allure, Vanity Fair, Glamour, Elle եւ այլ աշխարհահռչակ ամսագրերի շապիկին։ Մելանիայի գեղեցկությունն անտարբեր չթողեց Դոնալդ Թրամփին, ով ծանոթությունից անմիջապես հետո նրան համոզեց բնակության տեղափոխվել ԱՄՆ, որտեղ էլ նրան գրկաբաց ընդունեցին նյույորքյան լավագույն պոդիումները։