Միլիոնավոր ընտրողներ քվեարկել են իմ մրցակից Քլինթոնի օգտին անօրինական.Թրամփ

« Միլիոնավոր ընտրողներ քվեարկել են իմ մրցակից Հիլարի Քլինթոնի օգտին անօրինական։ Բացի այն, որ ես վիթխարի հաշվով հաղթել եմ ընտրիչների կոլեգիայում, ես հաղթել եմ նաև ժողովրդական քվեարկությունում, եթե հաշվի առնենք միլիոնավոր մարդկանց, ովքեր քվեարկել են ապօրինի»,-գրել է Twitter-ում ԱՄՆ նորընտիր նախագահ Դոնալդ Թրամփը: Հանրապետական Թրամփը հաղթել էր ընտրություններում՝ հավաքելով նահանգներից 306 ընտրիչի ձայն՝ ընտրվելու համար անհրաժեշտ 270-ի փոխարեն։ Սակայն նա 2 մլն քվեներով զիջում է Քլինթոնին։ Թրամփի հաղթանակը հնարավոր է դարձել շնորհիվ քվեարկության անուղղակի համակարգի, որում կարևորը ընտրիչների մեծ մասի ձայները ստանալն է, այլ ոչ թե հաղթանակը համաժողովրդական քվեարկությունում։ Հանրապետականները պարբերաբար մեղադրում են դեմոկրատներին նրանում, որ վերջիններս ընտրություններին գործի են դնում «մեռած հոգիներին» և կազմակերպում քվեարկություն ԱՄՆ-ի քաղաքացի չհանդիսացողների համար։