Թուրքիայի հետ հարաբերությունների խզումը`անդառնալի կորուստ ԵՄ-ի համար

Anadolu գործակալությունը հայտնում է,որ Թուրքիայի հետ հարաբերությունների խզումը կդառնա անդառնալի կորուստ ԵՄ-ի համար՝ ասել է Թուրքիայի փոխվարչապետ Նուման Քուրթուլմուշը Լոնդոնում Թուրքիայի դեսպանատանը կայացած մամլո ասուլիսի ժամանակ։ «Իմաստուն քաղաքական գործիչները, ովքեր մտածում են ընդհանուր առմամբ ԵՄ-ի և առանձին վերցրած յուրաքանչյուր եվրոպական պետության մասին, գիտակցում են այդ փաստը։Դեպի ԵՄ ներգաղթյալների հոսքը կմեծանա, եթե Անկարայում սահմանների բացման որոշում ընդունեն։ Եվրոպացի քաղաքական գործիչները կորցնում են իրենց, երբ խոսքը մի քանի հազար սիրիացի փախստականի մասին է։ Հետաքրքիր է, ի՞նչ կանեն նրանք, երբ բախվեն հարյուր հազարավոր անօրինական ներգաղթյալների հոսքի հետ։ Ինչպե՞ս կպաշտպանի ԵՄ-ն իր ինքնությունը, երբ ի պատասխան ներգաղթյալների հոսքի աճեն ֆաշիստական, ռասիստական միտումները։ Մենք հույս ունենք, որ քաղաքական գործիչները կմտածեն այդ մասին»,-ասել է նա։ « ԵՄ-ի և Թուրքիայի հարաբերություններում ներկայում կրիտիկական շրջան է։Այն փաստը, որ ԵՄ-ում չեն իրագործել վիզային ռեժիմի ազատականացման մասին համաձայնագրի պայմանները, Թուրքիայում այնպիսի տպավորություն է ստեղծում, որ իրեն խաբել են։ Մենք քննարկել ենք դա նաև Մեծ Բրիտանիայի իշխանությունների հետ»,-նշել է Քուրթուլմուշը։