Կարեն Կարապետյանը նոր ոգեւորություն կբերեն մեր թիմի անդամներին. Սերժ Սարգսյան
ՀՀԿ 16-րդ համագումարի ընթացքում իր ելույթում ՀՀ Նախագահ, ՀՀԿ առաջնորդ Սերժ Սարգսյանը հայտարարեց, որ կառավարությունը կրկին կգլխավորի վարչապետ Կարեն Կարապետյանը: «Բոլորիս անունից ողջունում եմ հանրապետականի շարքերը համալրելու՝ վարչապետ Կարապետյանի եւ կառավարության մյուս անդամների որոշումը: Վստահ եմ, որ Կարապետյանի խանդավառ ոճն ու կառավարիչի տաղանդը լիովին կբացահատնվեն այս պաշտոնում եւ նոր ոգեւորություն կբերեն մեր թիմի անդամներին»,- ասաց նախագահը: այնուհետև, անդրադառնալով տնտեսությանը, նշեց, որ այն պետք է պահել ուշադրության կենտրոնում: «Հայաստանի տնտեսության իմունիտետը շատ է փոխվել այս տարիների ընթացքում, մեզ հաջողվել է զարգացնել բոլոր այն ինստիտուտները, որոնք զսպանակի նման աշխատելով կարողանում են լրջորեն մեղմել արտաքին աշխարհից եկող բացասական ալիքները և չթողնել, որ դրանք անխոչընդոտ հասնեն մարդկանց, հասնեն ընտանիքներ: Հենց այդ անընդհատ ավելացող ամրության պաշարներն է նաև, որ մեզ թույլ տվեց առաջանցիկ աճ ապահովել: Մասնավորապես 2007-2015 թվակներին Հայաստանն ապահովել է 29,3 տոկոս իրական տնտեսական աճ, իսկ ԱՄՀ-ի գնահատականներով` 32 տոկոս աճ: Մինչդեռ նույն ԱՄՀ-ի տվյալներ ով Եվրոպայում այդ ժամանակահատվածում արձանագրվել է 8,9 տոկոս աճ, իսկ ԱՊՀ-ում 22,4 տոկոս աճ»,- ընդգծեց ՀՀ նախագահը:
Հետևեք մեզ Viber-ում
