«Չիստկա» պետք է արվի նաև ՀՀԿ-ում. Կարեն Քոչարյան
Հայելի ակումբում քաղտեխնոլոգ Կարեն Քոչարյանը, անդրադառնալով վարչապետի, Կառավարության անդամների՝ ՀՀԿ անդամակցությանը, նշեց, որ ՀՀԿ-ն շահեց Կարեն Կարապետյանի շատ բարձր վարկանիշը և փորձելու է մարդկային կերպար ստանալ: Բայց, ըստ նրա, մարդկային կերպար կստանան, երբ մտնելուց հետո դուրս գան անմարդկային կերպարները. «Ոնց որ Կառավարությունում «չիստկա» արեցին, այդպիսի «չիստկա» պետք է արվի նաև ՀՀԿ-ում: Եթե դա արվի, կհավատանք, որ ՀՀԿ-ն ուզում է փոխվել: Կարեն Կարապետյանը կկորցնի վարկանիշ, բայց նաև կշահի այն քաղաքական պլատֆորմը, ինչի մասին նա շատ ազնիվ ասել էր յոթ կետերով»: Ինչպես նշեց՝ Կարեն Կարապետյանն առայժմ քաղաքական գործիչ չէր: «Մինչ այդ տնտեսական գործիչ էր, իսկ այս պարագայում, որպեսզի նա կարողանա գործել, պետք էր փորձել ինչ-որ քայլեր անել: Իսկ եթե դա ստացվում է, ապա հետագայում մնալու և շարունակելու համար առանց քաղաքական հենարանի հնարավոր չէր»,- ասաց նա:
Հետևեք մեզ Viber-ում
