«Մենք սուր ճգնաժամային իրավիճակում ենք, վարչապետը հանդես է գալիս Մովսեսի դերակատարությամբ». Ադիբեկյան
Սոցիոլոգ Ահարոն Ադիբեկյանն, անդրադառնալով Gallup International association-ի վերջին հարցումներին, ըստ որի՝ վարչապետ Կարեն Կարապետյանի վարնակիշն ավելի բարձր է, քան նախագահ Սերժ Սարգսյանինը, ասաց, որ մենք սուր ճգնաժամային իրավիճակում ենք գտնվում, և վարչապետը հանդես է գալիս Մովսեսի դերակատարությամբ: «Բայց սա ուղղակի հույս է, որ կարող է անել, ցուցանիշն ընդամենը դա է նշանակում: Եթե նոր վարչապետը չմտներ ՀՀԿ, երկու կենտրոն կունենայինք՝ ՀՀԿ նախագահ և վարչապետ, որն անկուսակցական է: Բայց միասնական բևեռի դեպքում ուժը գերհզորանում է, քանի որ հույսը կապում են ՀՀԿ նոր անդամների հետ: Այս միավորումը գերազդեցիկ ուժ կարող է դառնալ ու մեզ հանել այս փոսից»,- ասաց նա: Ադիբեկյանը համաձայն չէ այն կարծիքներին, թե Կարեն Կարապետյանը միայնակ կարող է խնդիրները լուծել:
Հետևեք մեզ Viber-ում
