Ռուբեն Վարդանյանը ընտրվել է ՀԲԸՄ կենտրոնական վարչական ժողովի անդամ

Ռուսաստաբնակ գործարար Ռուբեն Վարդանյանը ընտրվել է Հայկական բարեգործական ընդհանուր միության (ՀԲԸՄ) կենտրոնական վարչական ժողովի անդամ: ՀԲԸՄ-ի մամուլի գրասենյակից տեղեկացնում են, որ այս անդամակցությունն առաջին քայլն է  հետևյալ նախաձեռնության իրա կանացման ուղղությամբ. 1.Վերաաշխուժացնել հայկական սփյուռքը, նրան հաղորդելով միասնական վերակազմավորման նոր եռանդ: 2.Սոցիալ-մշակութային իր պատմական առաքելությանը զուգընթաց, ընդարձակել հայրենիքի տնտեսության զարգացմանն ուղղված իր օժանդակությունը: 3.Արհեստավարժ տարրերով համալրված առավել արդյունավետ դարձնել իր կազմակերպչական կառույցներն ու նրանց գործունեությունները: 4.Միության նյութական միջոցները և կարողությունները ընդարձակելու նպատակով ծավալել շեշտադրված աշխատանք ապահովելու համար խոշոր ներդրումներ և նոր հիմնադրամների ու կազմակերպությունների հետ համագործակցություն: 5.Ընդարձակել և վերաաշխուժացնել կազմակերպությանը գործնական աջակցություն ցուցաբերող կամավոր անդամների և համակիրների համաշխարհային ցանցը: 6.Ներուժի համադրյալ ուժեղացում ապահովել այլ կազմակերպությունների հետ, արագ և ծավալուն ձեռքբերումների համար: ՀԲԸՄ-ի կենտրոնական վարչական ժողովի անդամ Նուբար Աֆեյանի հետ Ռուբեն Վարդանյանը 2001թ.-ին համահիմնադիրներից էր «Հայաստան 2020» զարգացման հեռանկարային տեսլականի մշակման ծրագրի: 2015թ.-ին Վարդան Գրիգորյանի (Carnegie Foundation), դոկտ. Նուբար Աֆեյանի և Ռուբեն Վարդանյանի համատեղ ջանքերով մեկնարկել է «100 Lives» (Հարյուր կյանք) ծրագիրը, և հիմնվեց «Ավրորա համաշխարհային մարդասիրական մրցանակը» (Aurora Prize for Awakening Humanity), որ մեկ միլիոն ամերիկյան դոլլար է նախատեսում նվիրել այն աշխարհաքաղաքացիներին կամ կազմակերպություններին, որոնք, իրենց կյանքը վտան գի ենթարկելով, փրկել են դժբախտության մատնված անձանց կյանքը: