Արշակ Սադոյանի որդին դատապարտվել է և հենց դատարանի դահլիճից ազատ արձակվել. «Փաստինֆո»

«Փաստինֆո»–ի փոխանցմամբ՝ Արեգ Սադոյանը և Ռաֆայել Կարագյոզյանն ազատվել են դատական նիստերի դահլիճից Երևանի Կենտրոն և Նորք- արաշ վարչական շրջանների դատարանը, դատավոր Գագիկ Պողոսյանի նախագահությամբ, քիչ առաջ հրապարակել է զանգվածային անկարգությունների մեղադրանքով Արեգ Սադոյանի և Ռաֆայել Կարագյոզյանի վերաբերյալ գործով դատավճիռը: Դատարանն ամբաստանյալներին մեղավոր ճանաչեց ՀՀ քրեական օրենսգրքի 225-րդ հոդվածի 2-րդ մասով և դատապարտեց նրանց 3-ական տարվա պայմանական ազատազրկման՝ 3-ական տարվա փորձաշրջանով: Նշենք, որ ամբաստանյալներն ընդունել են առաջադրված մեղադրանքը և խնդրել  գործը քննել արագացված դատաքննության կարգով: Մեղադրողը միջնորդել էր 3 տարվա պայմանական ազատազրկում նշանակել միայն Արեգ Սադոյանի նկատմամբ, իսկ Ռաֆայել Կարագյոզյանի նկատմամբ նշանակել 3 տարվա  ազատազրկում: Իսկ դատարանը Արեգ Սադոյանին և Ռաֆայել Կարագյոզյանին ազատ արձակեց հենց դատարանի դահլիճից: