1000-ական դրամները հնարավոր է դիմումի համաձայն չպահվեն
«Հայկական ժամանակ» թերթը գրում է. «Պաշտպանության նախարարության խոսնակ Արծրուն Հովհաննիսյանը դեռ չի հստակեցնում «Մարտական գործողությունների ժամանակ զոհված և վիրավորված զինծառայողների ընտանիքներին սոցիալական աջակցություն ստանալու» օրենքի նախագիծն առաջինից երկրորդ ընթերցմամբ ինչ փոփոխությունների կենթարկվի և արդյոք պարտադիր սկզբունքը կհանվի՞, թե՞ ոչ: Այս մասին Armtimes.com-ի հետ զրույցում ասաց ՊՆ խոսնակ Արծրուն Հովհաննիսյանը. «Այս պահին աշխատանքներ են ընթանում նախագծում, դեռ հստակ ոչինչ չեմ կարող ասել»,- ասաց Հովհաննիսյանը՝ չբացառելով, որ կարող է լինել Վահրամ Բաղդասարյանի հայտարարած տարբերակը: Հիշեցնենք, որ պարտադիր սկզբունքի չեղարկվելու մասին խորհրդարանում հայտարարել էր ՀՀԿ խմբակցության ղեկավար Վահրամ Բաղդասարյանը: Պատգամավորի խոսքով՝ օրենքը կարող է կիրառվել նաև կամավորության սկզբունքով, ըստ որի, այն աշխատողները, որոնք կհրաժարվեն 1000-ական դրամ վճարելուց, կարող են համապատասխան դիմում գրել և հրաժարվել վճարելուց: Ի դեպ, այսօր «ԻՆԳՈ ԱՐՄԵՆԻԱ» ընկերությունը հայտարարել է, որ կփոխհատուցի իր բոլոր աշխատակիցների 1000-ական դրամները, իսկ «Երևանի մաթեմատիկական մեքենաների գործարան» ՓԲԸ-ն՝ նվազագույն աշխատավարձ ստացող և այն աշխատակիցների փոխարեն, ովքեր չեն ցանկանա վճարել 1000-ական դրամները»: Մանրամասները՝ թերթի այսօրվա համարում
Հետևեք մեզ Viber-ում
