Իրանի ռազմածովային ուժերի նավերը մտել են Ատլանտյան օվկիանոս

Tasnim լրատվական գործակալության փոխանցմամբ՝ Իրանի ռազմածովային ուժերի 44-րդ նավատորմիկի նավերը մուտք են գործել Ատլանտյան օվկիանոս։ Այդ մասին հայտարարել է Իրանի ռազմածովային ուժերի հրամանատար, դերծովակալ Հաբիբոլլահ Սայարին։ Նրա խոսքերով՝ 44-րդ նավատորմիկի կազմում Ատլանտյան օվկիանոսի ջրեր են մուտք գործել «Ալվանդ» ու «Բուշեհր» ռազմանավերը։ Վերջիններս Ատլանտյան օվկիանոս մուտք գործելուց առաջ կայանել են Հարավային Աֆրիկայի Դուրբան նավահանգստում։ 44-րդ նավատորմիկի ատլանտյան արշավը մեկնարկել էր հոկտեմբերի 5-ին՝ ծովահեններից պաշտպանելու համար այն ծովային ուղիները, որոնք օգտագործվում են առևտրանավերի ու լցանավերի կողմից։