«Ոչ ոք չի կարող կանխատեսել ընտրությունների արդյունքները». Կարեն Կարապետյան
ՀՀ նորանշանակ վարչապետը հավատում է, որ մայիսին կայանալիք խորհրդարանական ընտրություններին ընդառաջ՝ ինքն ունի հաղթողի ուղերձ՝ տնտեսությունը սարսափելի վիճակում է, և ինքն է այն մարդը, ով կարող է լուծել այդ խնդիրը, գրում է Bloomberg գործակալությունը՝ հղում կատարելով ՀՀ վարչապետ Կարեն Կարապետյանի հետ հարցազրույցին։ «Աղքատ հետխորհրդային երկրին անհրաժեշտ են բեկումնային փոփոխություններ»,- գործակալության հետ զրույցում ասել է Կարեն Կարապետյանը, ով ստանձնել է իր պաշտոնը սեպտեմբեր ամսին։ «Մենք առաջարկում ենք ամենաարագ փոփոխությունը, այն, ինչ հնարավոր է»,- նշել է ՀՀ վարչապետը: Հայաստանի վարչապետը ձգտելու է առաջիկա վեց ամիսներին երկարաժամկետ ծրագրեր մշակել որպեսզի 2018-ից սկսած՝ տարեցտարի կայուն աճ ապահովվի։ Խոսելով սպասվող ընտրությունների և հնարավոր ելքերի մասին՝ ՀՀ վարչապետը նշել է, որ ոչ ոք չի կարող կանխատեսել ընտրությունների արդյունքները։
Հետևեք մեզ Viber-ում
