Նախընտրական փուլում 1000 դրամների նախագիծը կոպիտ սխալ էր. Վիգեն Խաչատրյան
Գերագույն խորհրդի պատգամավոր Վիգեն Խաչատրյանն այսօր Հայելի ակումբում հրավիրված մամլո ասուլի ժամանակ անդրադառնալով «1000 դրամների» նախագծին ասաց, թե շրջանառության մեջ դրվելու տարբերակը սխալ է ընտրված:Նրա համար անհասկանալի է, թե ինչու իշխանությունն այդքան շտապեց: «Ձևի առումով սխալ թույլ տրվեց, բայց ձևը սխալ ընտրվեց, և իշխանությունը պետք է հիմնավորի սա: Եթե նախընտրական փուլի հետ է կապված, դա ընդհանրապես սխալ է: Եթե պարտադիր է, բերեք հարկ սահմանենք: Եթե հարկ է, ուրեմն պետք է հանրաքվե լինի: Լարվածությունը հանելու տարբերակներից մեկն է սա»,- ասաց նա: Մյուս բանախոս ՀՀԿ-ական պատգամավոր Լևոն Մարտիրոսյանն էլ 1000 դրամ գանձելու նախագիծը շրջանառության մեջ դնելու հիմնավորումը շատ պարզ է համարում: «Պաշտպանության նախարարի կողմից պարզ հիմնավորվեց` այս ամենն ընդամենը կապված է այս գումարման ԱԺ աշխատանքների հետ, եթե հիմա չներկայացվեր, առաջիկա հնարավորությունը կլիներ մոտ մեկ տարի հետո»,- նշեց Մարտիրոսյանը:
Հետևեք մեզ Viber-ում
