Ես չեմ ցանկանում Մարգար Եսայանի դեմքը պատռել. Արագած Ախոյան. տեսանյութ

«Ունենք   հրաշալի  հայեր ի դեմս  Կարո  Փալյանի  և  Սելինե  Դողանի: Նրանք  բավական  ակտիվ գործունեություն  են ծավալում: Ցավոք,   նույնը  չեմ  կարող  ասել  Մարգար  Եսայանի  մասին»-այսօր  Հայելի  ակումբում  ԱԺ  պատգամավոր   Արագած  Ախոյանը  խոսեց  ԵԽԽՎ-ում  քննարկված  բանաձևերից  հետո  Թուրքիայի արձագանքի  մասին: «Վտանգավորը  թուրքը  չէ, այլ`  թուրքացած  հայերը:Այս  պարագայում  սա  ասված  էր հենց  Մարգար  Եսայանի մասին»,-ասաց պատգամավորը` նշելով, որ  անընդունելի  էր  համարում  Եսայանի  վարքը   և  չնայած  այն  հանգամանքին, որ  խոսում  էր  հայերեն, միևնույնն է,  նրա քայլերը հակահայկական  են: «Ես չեմ  ցանկանում  Մարգար  Եսայանի  դեմքը  պատռել: Ես  նրան զգուշացրեցի, որ  եթե  ձեր  կուսակցությունը  ահռելի գումարներ  է  ծախսում, որ   քո վարկանիշը  բարձրացվի  Թուրքիայի    հայերի  շրջանում, ապա  Դուք  ձեր  գործունեությամբ  այն  զրոյի  եք  հավասարեցնում: Նա  ուղղակի  անկեղծ  կուսակցական  է»-պատգամավորը  իր  ունեցած  տեղեկությունների  համաձայն  հայտնեց, որ  մեր հայ  պատգամավորները  շատ  դաժան  ձևով  Մարգար  Եսայանին  իր   տեղը  ցույց  են  տվել: «Քաղաքացիական հասարակությունը  տեղյակ  չի  ղարաբաղյան հարցից: Այնտեղ  այնպիսի  տպավորություն  է, որ   տուժված  մարդիկ ուժները  Ադրբեջանի  վրա  պատելով մտան  և  Ղարաբաղը   գրավեցին»-ասաց  Ախոյանը` ցածր գնահատելով  մեր  քայլերը  տեղեկատվական  ոլորտում: «Իմ  այցի  մասին  Թուրքիայի լրատվամիջոցները  արձագանքեցին,  և  շատ հետաքրքիր  մի  հոդված  լույս  տեսավ՝ «Բարի  գալուստ, հարևան» վերնագրով: Այնտեղ  գրված  էր՝  «Սահմաններն  էլ  բացենք, որ  մեր  գլխում  արդեն  սահմաններ  չմնա»  արտահայտությունը  և  ղարաբաղյան  հարցով  հետաքրքրվողներին  առաջարկում  էին  ընթերցել   Թոմաս  Դե  Ուաալի  «Ղարաբաղ»  գիրքը: Պատահական  չեն  նման  հոդվածների  տպագրվելը  և  դրանից  եզրակացություն, որ   ժամանակն  է  այս  մարտահրավերներին  պատասխանել»-հայտնեց  պատգամավորը: Արդյոք Թուրքիայի խորհրդարանի հայ պատգամավորներ Սելինե  Դողանը  և  Կարո  Փալյանը  հրավիրվել  են Հայաստան հարցին բանախոսը պատասխանեց. «Առաջարկներով    և  խնդրանքներով  մեզ  դիմեցին  հայ  պատգամավորները, հատկապես  Սելինե  Դողանը, հետագայում  մեր  համագործակցությունը  շարունակելու  նպատակով: Սելինե  Դողանը  և  Կարո  Փալյանը  հրավիրվել  են  Հայաստան  և  կարծում  եմ` դա  կլինի  պատմական: Առավել մանրամասն`տեսանյութում.   Լուսինե  Միքաելյան