Օրենքով գողը կազմակերպված հանցավոր խումբը ղեկավարում է բանտից
Իսպանական ուժայինները չեն կարողանում դիմակայել այդ երկրում բնակարանային գողերի գործունեությունը վերահսկող օրենքով գող Զվիադ Դարսաձեի խմբավորմանը: Ուժայիններն արդեն հատուկ գործողություն են անցկացրել կազմակերպված հանցավոր խմբի մասնակիցների և իր իսկ՝ Դարսաձեի դեմ: Արդյունքում ձերբակալվել են հանցավոր խմբավորման շատ անդամներ՝ ներառյալ նաև՝ առաջնորդը: Սակայն հետագայում, իսպանական օրենքների համաձայն, գործնականում բոլորը քննության ժամանակահատվածում ազատ են արձակվել: Բնականաբար, օրենքով գողը մնացել է ճաղերի հետևում: Սակայն այդ հանգամանքը ոչ մի կերպ չի ազդել նրա գործունեության հետ կապված իրավիճակի վրա: Զվիադ Դարսաձեն, գտնվելով բանտարկության մեջ, շարունակում է ղեկավարել գողերին, ովքեր կողոպտում են հարուստ իսպանացիների բնակարաններն ու տները: Ընդ որում, քննության ժամանակահատվածում ազատ թողնվածները՝ վերջացնելով «աշխատանքը» մի քանի էլիտար բնակարաններում, կարողացել են մեկնել Իսպանիայի տարածքից դուրս: Իսկ նրանց փոխարեն նոր բրիգադ է ժամանել: Պաշտոնական տեղեկատվության համաձայն, կազմակերպված հանցավոր խմբի անդամները գողացված արժեքները իրացրել են մի քանի օբյեկտների միջոցով, իսկ վաճառքից ստացված գումարը դրել «աբշչակ» (գողական դրամարկղ): Բանդան գործում էր Վալենսիայում, Մադրիդում, ինչպես նաև Բասկերի երկրի ու Մուրսիայի տարածքում: Ի դեպ, Զվիադ Դարսաձեն համարվում է մրգերի ու բանջարեղենի վաճառքով զբաղվող մեծածախ պահեստներից մեկի բանվոր, ահա այդպիսի «լեգենդ» նա ունի: Սակայն դա չի խանգարել օրենքով գողին դառնալ Եվրոպայում, այսպես կոչված, «նայող»՝ օրենքով գողերի կողմից: Ավելի վաղ այդ գործառույթը կատարում էր Կախաբեր Շուշանաշվիլին, սակայն վերջերս նա դատապարտվել է 20 տարվա ազատազրկման սպանության փորձի, փողերի լվացման և փաստաթղթեր կեղծելու համար:
Հետևեք մեզ Viber-ում
