«Մենք եւ Ադրբեջանը տարբեր քաղաքականություն ենք վարում». Սերժ Սարգսյան
Այդ մասին ասել է Հայաստանի նախագահ Սերժ Սարգսյանը «Սքայ Նյուզ Արաբիա» հեռուստաընկերությանը տված հարցազրույցում։ «Գիտեք՝ մենք եւ Ադրբեջանը տարբեր քաղաքականություն ենք վարում: Բոլորի համար հասկանալի է, որ մեր խնդիրը, մեր կոնֆլիկտը կապված է Լեռնային Ղարաբաղի ինքնորոշման իրավունքի հետ: Քանի որ մենք համոզված ենք, որ Լեռնային Ղարաբաղի ինքնորոշման իրավունքն ամբողջովին համապատասխանում է միջազգային իրավունքին»,- նշել է Սարգսյանը: Նա նշել է, թե մենք չենք փորձում ներքաշել կոնֆլիկտի մեջ կամ գրավել մեր կողմը մեր բարեկամներին կամ գործընկերներին: «Մենք վստահ ենք, ուղղակի վստահ ենք, որ մենք արդար ենք, եւ ի վերջո Լեռնային Ղարաբաղի խնդիրը լուծվելու է հենց այնպես, ինչպես ցանկանում է Լեռնային Ղարաբաղի ժողովուրդը, ինչպես ցանկանում են համանախագահները, միջնորդները: Ադրբեջանը փորձում է ներքաշել այլ երկրների, այլ կառույցների, որովհետեւ զգում է, որ ինքը իրավացի չէ այս հարցում, այնպես որ ադրբեջանա-իրանական հարաբերությունները որքան էլ ջերմ լինեն, որքան էլ ամուր լինեն, դրանք վնաս չեն հայ-իրանական հարաբերություններին»,- նշել է նա:
Հետևեք մեզ Viber-ում
