«Սասնա Ծռերի» անդամներին՝նոր մեղադրանք
« Իմ պաշտպանյալներին նոր մեղադրանքներ են առաջադրվել: Ավելացվել է 238-րդ հոդվածը՝ զենքի հափշտակում, եւ 185-րդ հոդվածը՝ գույքի ոչնչացում:Իմ տեղեկություններով, խմբի անդամներից եւս 12-ին նույն մեղադրանքներն են ավելացվել»,- Հայելի ակումբում լրագրողներին հայտնեց «Սասնա Ծռերի» խմբի անդամներից Պավել Մանուկյանի, Արմեն Լամբարյանի եւ Մխիթար Ավետիսյանի պաշտպան Ինեսա Պետրոսյանը: Փաստաբանը հավելեց, որ իր պաշտպանյալների կալանքը երկարացնելու վերաբերյալ միջնորդություն է ներկայացվել: Հարցին, թե իր պաշտպանյալներն ինչ դիրքորոշում ունեն նոր մեղադրանքների մասով, տիկին Պետրոսյանն ասաց, որ նրանք չեն ընդունել մեղադրանքները. «Արմեն Լամբարյանն ասաց, որ որևէ դիրքորոշում չի հայտնի այդ կապակցությամբ, քանի դեռ իրեն ծանր մարմնական վնասվածք հասցնելու փաստով որևէ քննություն չի կատարվում, եւ նա տուժող չի ճանաչվել»:
Հետևեք մեզ Viber-ում
