«Օջալանն ու Փաշինյանն էլ են տարբեր հանցանքների համար մեղադրվել». Տիգրան Ուրիխանյանը` դատապարտված կուսակցի մասին
«Իրավունք»-ն այսօր «Ալյանս» կուսակցության նախագահ Տիգրա Ուրիխանյանին խնդրեց անդրադառնալ կուսակցության փոխնախագահ Սարգիս Հարությունյանին առաջադրված մեղադրանքին: Հիշեցնենք` լրատվամիջոցներից մեկն այսօր գրել է, որ իր տեղեկություններով, խարդախության մեղադրանքով 4 տարվա ազատազրկման է դատապարտվել «Ալյանս» կուսակցության փոխնախագահ Սարգիս Հարությունյանը:Նա 2013թ. օգոստոս ամսին, նախնական համաձայնության գալով Արմեն Բաղդասարյանի հետ, խարդախությամբ հափշտակել են Զարեհ Հովհաննիսյանին պատկանող առանձնապես խոշոր չափի` 4,731,408 ՀՀ դրամին համարժեք 8,800 եվրո գումարը: «Անդրեաս Ղուկասյանը, Վոլոդյա Ավետիսյանը, Աբդուլահ Օջալանը,Նիկոլ Փաշինյանն էլ են տարբեր հանցանքների համար մեղադրվել, ազատազրկվել: Մարդկանց հետ լինում է այդպիսի բան: Իրավապահները կտան ձեզ պատասխան, դա իմ մեկնաբանության տիրույթում չէ: Մեղադրյալը պետք է ընդունի մեղադրանքը կամ ոչ: Ես կարող եմ իրավապահների ու դատական համակարգի գործողություններին, անել եզրակացություն»,- պատասխանեց Ուրիխանյանը:
Հետևեք մեզ Viber-ում
