Օբաման Կվիրիկաշվիլուն հրավիրել է Վաշինգտոն

Sputnik լրատվական գործակալության փոխանցմամբ՝ ԱՄՆ նախագահ Բարաք Օբաման շնորհավորել է Գեորգի Կվիրիկաշվիլին՝ կապված Վրաստանի վարչապետի պաշտոնում նշանակվելու կապակցությամբ և նրան հրավիրել է միջուկային անվտանգության հարցերով գագաթնաժողովին, որը Վաշինգտոնում անցկացվելու է 2016 թվականի գարնանը։ ԱՄՆ նախագահն ավելի վաղ այդ ֆորումին հրավիրել է Իրակլի Ղարիբաշվիլուն, սակայն նա հասարակության համար անսպասելիորեն վարչապետի պաշտոնից հրաժարական տվեց 2015 թվականի վերջին։ Այժմ Օբաման հրավերը հղել է նոր վարչապետ Կվիրիկաշվիլուն։ Իր նամակում Օբաման նշել է. «Ես հուսով եմ նայում Ձեզ հետ համագործակցությանը՝ մեր երկրների միջև գործընկերության ամրապնդման համար։ Հուսով եմ, որ դուք կմիանաք այս տարվա միջուկային անվտանգության գագաթնաժողովին, որպեսզի շարունակենք մեր ջանքերը՝ ուղղված տարածաշրջանի կայունությանն ու անվտանգությանը»։ Նա Վրաստանի վարչապետին վստահեցրել է, որ ԱՄՆ-ն նաև ապագայում կաջակցի Վրաստանի եվրաինտեգրման կուրսին։ Վաշինգտոնում միջուկային անվտանգության գագաթնաժողովն անցկացվելու է 2016 թվականի մարտի 31-ից մինչև ապրիլի 1-ը։