Հայաստանը ոսկե մեդալ է նվաճել

Նոյեմբերի 5-ին Վրաստանի մայրաքաղաք Թբիլիսիում կայացել է կիոկուշին կարատեի Կովկասի բաց առաջնությունը, որին մասնակցել են Հայաստանի, Ադրբեջանի, Գերմանիայի, Ղազախստանի և Վրաստանի ներկայացուցիչները։ Հայ կիոկուշին կարատեիստները բարձր են պահել Հայաստանի պատիվը՝ նվաճելով 6 ոսկե, 3 արծաթե և 10 բրոնզե մեդալ։ Հայաստանը Վրաստան էր մեկնել մեծ պատվիրակությամբ` 27 մարզիկ, 3 մրցավար, 3 մարզիչ: Պատվիրակությունը գլխավորում էր Հայաստանի Կիոկուշին կարատեի ֆեդերացիայի նախագահ Անդրանիկ Հակոբյանը: Նշենք, որ Կովկասի առաջնությունը մեկ անգամ հետաձգվել էր․ ապրիլին ռազմա-քաղաքական իրավիճակի սրման պատճառով հայկական կողմը չէր մեկնել Վրաստան, որի պատճառով կազմակերպիչները հետաձգել էին մրցաշարի անցկացումը։