«Պարոն Հայրապետյանի հետ եկել ենք ընդհանուր հայտարարի». Արթուր Պետրոսյան
Հաստանի հավաքականի գլխավոր մարզիչ Արթուր Պետրոսյանն այսօր լրագրողների հետ զրույցում նշեց, որ այլևս չի աշխատելու շվեյցարական թիմի հետ։ «Հայաստանի առաջնության ընթացքում լինելու եմ Հայաստանում և չպետք է բաց թողնեմ ոչ մի խաղ։ Ռազմիկ Գրիգորյանն ու Սարգիս Հովհաննիսյանը կլինեն իմ մարզչական շտաբում։ Բոլոր ֆուտբոլիստների ընտրությունը կատարել եմ ես` մարզչական շտաբի հետ։ Վստահ եմ, որ հաջողություն ենք ունենալու, հակառակ դեպքում՝ այստեղ չէի լինելու։ Ավելի շատ խնդրանք ունեմ, որ երկրպագուները կանգնեն հավաքականի կողքին, քանի որ նրանց վստահության կարիքը կա։ Քննադատել, իհարկե, պետք է, բայց դա էլ իր ձևն ունի»,- ասաց Պետրոսյանը։ Ինչպես ասաց՝ պատրաստվում է փոփոխությունների ենթարկել հավաքականը: «Յուրա Մովսիսյանի հետ կապված՝ մենք խոսել ենք պարոն Հայրապետյանի հետ և եկել ենք ընդհանուր հայտարարի: Իհարկե, ես կցանկանայի հավաքականում տեսնել Յուրային, սակայն իմանալով պարոն Հայրապետյանի բացասական պատասխանը՝ իմ համաձայնությունը տվել եմ: Իսկ ինչ կապված է Ռոբերտ Արզումանյանի հետ, ապա ինքն է ինքնակամ հեռացել հավաքականից: Հավաքականում լինելու են փոփոխություններ, որոնց մասին այս պահին չեմ ուզում խոսել»,- ասաց նա:
Հետևեք մեզ Viber-ում
