Կյուրեղյանը հանուն հայրենիքի պայքարում է. մանրամասներ

«Ջրադուլից և հացադուլից հետո Հայկը վերականգնողական փուլում է: Թե բանտային պայմաններում ո՞նց կստացվի դա՝ չեմ պատկերացնում: Հայկը արդեն հյուծված է ու իմ ընտանիքի համար մեծ ցավ է, բայց ես իմ որդուն միշտ կամային ու միշտ հզոր եմ տեսնում: Հպարտ եմ…»,-Հայելի .am-իթղթակցի հետ զրույցում հայտնեց  9 տարվա ազատազրկման դատապարտված «Հայկ և ընկերներ» դատական նիստի առաջին օրը ինքնատիպ ակցիա` օդամղիչ ատրճանակից ոստիկանների ուղղությամբ կրակած և 9 տարվա ազատազրկման դատապարտված Հայկ Կյուրեղյանի հայրը՝ Արմենակ Կյուրեղյանը: «Ջրադուլի և հացադուլի ավարտից հետո խոսել եմ որդուս հետ` հեռախոսով: Հայկը նշեց, որ լավ է: Իմ տղան երբեք հետ չի կանգնի իր առջև դրված նպատակներից, նա պայքարող տեսակ է»,-կիսվեց Հայկ Կյուրեղյանի հայրը: Հայկի հայրը փաստեց, որ իր ընտանիքը փորձում է հասկանալ կյանքը հայրենիքին նվիրող որդուն, կսատարեն նրան մինչև նրա երազած հաղթանակը: «Հացադուլի և ջրադուլի մեջ էլ որդուս կամքը ամուր էր ու միտքը պայծառ»,-փաստեց Արմենակ Կյուրեղյանը: Հիշեցնենք, որ 2014թ. հունիսի 12-ին մեկնարկած Շանթ Հարությունյանի գործով դատական նիստից րոպեներ առաջ արտակարգ դեպք էր տեղի ունեցել դատարանի բակում։ 31-ամյա Հայկ Կյուրեղյանը կանգնել էր մեքենայի վրա՝ օդամղիչ ատրճանակը ձեռքին եւ կրակել ոստիկանների վրա՝ վիրավորելով մի քանի ոստիկանի։ Ոստիկանները նրան վնասազերծել եւ բերման էին ենթարկել։ Կյուրեղյանի նկատմամբ մեղադրանք է առաջադրվել ՀՀ քրեական օրենսգրքի 258 հոդվածի 4-րդ մասի՝ «խուլիգանություն զենքի կամ որպես զենք օգտագործվող առարկայի գործադրմամբ», եւ 316-րդ հոդվածի 4-րդ մասի ՝ «իշխանության ներկայացուցչի նկատմամբ բռնություն գործադրելը» հատկանիշներով:  Նշենք, որ Կենտրոն և Նորք-Մարաշ վարչական շրջանների ընդհանուր իրավասության դատարանում այսօր «Շանթ Հարությունյանի և ընկերների»  գործով դատավարության առաջին նիստի օրը դատարանի բակում ոստիկանների ուղղությամբ կրակած Հայկ Կյուրեղյանը դատապարտվեց 9 տարվա ազատազրկման: Մեղադրող Հարություն Սարգսյանը պահանջում էր 14 տարվա ազատազրկում: