Ասադի հրաժարականի ժամկետները

ԱՄՆ-ի համար լավագույն դեպքում Սիրիայի նախագահ Բաշար Ասադն իր պաշտոնը կլքի   2017-ի մարտին, ամերիկյան նոր նախագահի պաշտոնավարության սկզբից երկու ամիս անց: Այդ մասին ասվում է փաստաթղթում, որը Սպիտակ տունը նախապատրաստել է ներքին օգտագործման համար եւ որին AP-ին հաջողվել է ծանոթանալ:  Այդ նախագծի համաձայն, սիրիական նոր նախագահի եւ խորհրդարանի ընտրությունները նախատեսված են  2017-ի օգոստոսին, իսկ մինչ այդ երկիրը կկառավարվի անցումնային կառավարության կողմից: Փաստաթղթի համաձայն, Սիրիայում քաղաքական նոր գործընթացը պիտի սկսվի  2016-ի փետրվարին: Հունվարի 25-ին բանակցություններ են նախատեսված սիրիական իշխանությունների եւ ընդդիմության միջեւ, որը պետք է տեղի ունենան Ժնեւում: Ապրիլին, ամերիկյան պլանի համաձայն, Սիրիայում կստեղծվի անվտանգության ապահովման կոմիտե եւ մասնակի համաներում իրականացվի սիրիական կառավարության եւ բանակի որոշ ներկայացուցիչների, ինչպես նաեւ չափավոր ընդդիմության առաջնորդների եւ գրոհայինների համար: Այդ ժամանակ կստեղծվի նաեւ անցումնային կառավարություն: