«8 տարի ոչ մի լումա չենք ստացել». Իրանում զոհված օդաչուների ընտանիքները դիմում են վարչապետին

Կառավարության շենքի դիմաց այս հինգշաբթի սովորականից մարդաշատ էր: Վարչապետի հետ հանդիպում էին պահանջում բազմաթիվ քաղաքացիներ, որոնց թվում էին նաև 2001թ. Իրանում վթարված ինքնաթիռի անձնակազմի 5 անդամների ընտանիքները, ովքեր պահանջում էի օրենքով սահմանված ամսական գումարները: Hayeli.am-ի հետ զրույցում զոհված օդաչու Սամվել Գրիգորյանի մայրը՝ Ջեմա Հովհաննիսյանը, պատմեց, որ մոտ ութ տարի է՝ իրենք օրենքով նախատեսված գումարը չեն կարողանում ստանալ: «Միակ տղաս զոհվեց: Նշանակեցին կերակրողին կորցնելու նպաստ, մինչև 2008թ. բողքներով մի կերպ ստացել ենք գումարը, դրանից հետո ոչ մի բան չենք տացել: 2014թ. նախկին վարչապետ Հովիկ Աբրահամյանն ընդունեց, խոստացավ, որ մինչև 2015թ. մարտ ամիսը մեր հարցերը կլուծեն: Վեր կացավ, ձեռք մեկնեց և դրանից հետո չընդունեց, պատասխան չտվեց: Ընդունել է Արփինե Հովհաննիսյանը, որ պիտի բյուեջի մեջ մցնեն հարցը, գոնե ամսական աշխատավարձ ստանանք:Ասեցինք թող սառեցնեն, տարեկան մի անգամ մենակ ստանանք»,-պատմեց Ջեմա Հովհաննիսյանը՝ հավելելով, որ զոհվածների հինգ ընտանիքները 8 տարի իրենք ոչ մի լումա չեն ստացել, ուզում են հանդիպել նոր վարչապետի հետ: Կնոջ խոսքով, հիմա ընտանիքն ապրում է միայն իր թոշակով, ամուսինը ևս մահացել է: Ավելի մանրամասն՝ տեսանյութում   Կարինա Սահակյան