«Դավաճանությունը քաղաքական կատեգորիա չէ». ՀՀԿ-ական պատգամավորը՝ Վանաձորի ընտրությունների մասին
ՀՀԿ պատգամավոր Ռուզաննա Մուրադյանը և ՀԴԿ ղեկավար Արամ Սարգսյանն այսօր լրագրողների հետ հանդիպմանն անդրադարձան Գյումրիում և Վանաձորում ՏԻՄ ընտրություններին և ներքաղաքական իրավիճակին: Ըստ ՀՀԿ-ական պատգամավորի՝ ընդդիմադիր ուժերի մի քանի ներկայացուցչի` ՀՀԿ-ի Վանաձորի քաղաքապետի թեկնածու Մամիկոն Ասլանյանին ընտրելը քաղաքական նորմալ գործընթաց է: Արամ Սարգսյանի կարծիքով էլ՝ տեղի ունեցածի մեղավորը իշխանությունն է: Անդրադառնալով այն հարցին, թե եթե ՀՅԴ-ն ՀՀԿ-ի հետ վարվեր այնպես, ինչպես վարվեցին որոշ ընդդիմադիրներ միմյանց հանդեպ, իշխող կուսակցությունը դարձյալ նորմա՞լ կհամարեր դա, Ռուզաննա Մուրդյանը հայտարարեց. «Դավաճանությունը քաղաքական կատեգորիա չէ: ՀՀԿ-ն տարբեր ժամակահատվածներում տարբեր կոալիցիաներ է կազմել , կոալիոցնոն տարբեր գործընկերնե ենք ունեցել, որոնք կեսից թողել և հրաժարվել են, դա կհամարենք դավաճանությո՞ւն: Ո՛չ: Կան քաղաքական որոշումներ, որոնք նպատակահարմարութունից, իրավիճակից, ժամանակից ելնելով կայացնում է քաղ ուժը: Բոլորովին չեմ ուզում նման պիտակներ դնել, որովհետև դրա իրավունքը չունեմ»: Ըստ նրա՝ պետք է մեխանիզմները ուժեղացնել, որպեսզի համաձայնգրերը լինեն գաղափարի և ոչ թե անձերի շուրջ: Անի Սահակյան
Հետևեք մեզ Viber-ում
