«Սիրիայում հայկական կուսակցություններն ու եկեղեցիները պետք է կազմակերպեն հայության տեղափոխումը Հայաստան». Կարինե Հակոբյան
Այսօր՝ հոկտեմբերի 12-ին, «Հայելի» ակումբում լրագրողների հետ հանդիպման ժամանակ, հրապարակախոս Կարինե Հակոբյանն անդրադարձավ Սիրիա-Հայաստան հարաբերություններին և հայկական դիվանագիտության անելիքներին ու բացթողումներին: Ըստ նրա` իրավիճակն ավելի է սրվել, և այն կանխատեսումները, որ Հալեպը հնարավոր է չկարողանա դիմակայել և այնտեղ կարող են մեծ դժբախտություններ լինել, այսօր իրականություն են դառնում: «Սիրիահայությունն աղքատ համայնք չէ և նրանք կարող էին պարզապես տեղափոխվել հայրենիք և՛ իրենց համար ապահով կլիներ, և՛ իրենց երեխաները հայ կմանային, և՛ Հայաստանը դրանից կշահեր, որովհետև վերջինս ունի նաև ժողովրդագրական խնդիր»,- նշեց նա: Հրապարակախոսի համոզմամբ, անհապաղ պետք է կազմակերպել Սիրիայից հայության տեղափոխումը Հայաստան. «Շատ կարևոր գործ ունեն անելու Սիրիայում հայկական կուսակցություննեն ու եկեղեցիները: Նրանք են, որ պետք է հենց տեղում արագ կազմակերպեն դա, հակառակ դեպքում պատասխանատվութուն են կրում կատարավածի համար»: Ըստ նրա, կարող է կառուցվել ավան կամ կազմակերպվել պեական շինարարություն կազմակերպվի սիրիահայության բանկության հարցը լուծելու համար, որովհետև այսօր ոչ թե լավ կամ վատ ապրելու խնդիր է, այլ կյանքի ու մահի: Կարինա Սահակյան
Հետևեք մեզ Viber-ում
