Ինչ են խոսել տեսախցիկների անջատվելուց հետո

Երեկ  վարչապետ Կարեն Կարապետյանի հանձնարարությամբ  ՀՀ տարածքային կառավարման ու զարգացման նախարար Դավիթ Լոքյանը և  կառավարության աշխատակազմի ղեկավար-նախարար Դավիթ Հարությունյանը  Կապանում ներկայացրին  Սյունիքի նորանշանակ մարզպետ Վահե Հակոբյանին: Մեր տեղեկություններով՝  պաշտոնական արարողակարգի ավարտից հետո, երբ անջատվել են բոլոր տեսախցիկները, Դավիթ Հարությունյանը հավաքվածներին վստահեցրել է, որ Սուրիկ Խաչատրյանն այլևս չի վերադառնա այդ պաշտոնին: Ըստ Հարությունյանի՝ նորանշանակ մազպետը մեծ համակրանք է վայելում, և ամեն կերպ ստանալու է իշխանության աջակցությունը: Թերևս, հենց այդ աջակցության ֆոնին այսօր արդեն տեղի ունեցավ հաջորդ պաշտոնանկությունը  Սյունիքում: Աշխատանքից ազատվեց Սյունիքի ոստիկանապետը: Դավիթ Հարությունյանն իր խոսքում նշել է նաև, որ Սյունիքի մարզը կաշխատի նոր մարզպետով և նոր խաղի կանոններով: